Konji u Splitu

      No Comments on Konji u Splitu

U Splitu ima svakakve živine. Čak i tovara san nedavno trefija i slika (na Žnjanu), ali konji su odavno nestali. Konji s karima od čijeg kočenja se dizala kosa na glavi, ali njihov kas je napolitanska pisma spram ovih današnjih konja metalik, pogotovo prdekavaca. Čovik se zaželi starih zvukova. I kad san čuja da će se po Rivi prošetati lipicaneri pokrenija san se iz zimske letargije i spustija se ugrad. Čini se da je reklame bilo i u drugim medijima jer se na Rivi skupilo poprilično svita. A i vrime je bilo na strani konja (mislin na Lipicanere stradale u domovinskom ratu i zarobljeništvu, a ne nike druge): sunce usrid zime, i podnevna gužve na Rivi. Ritko san na Rivi i, da ne grišin dušu, neću reć da odavno nije bilo takve gužve na tom mistu.

Iznenadija san se i organizacijon. Bila je priredba s kojon se tilo pomoć oživljavanju te zanimljive ergele sa lipin konjima. Pravi šušur kakvih bi tribalo bit više u gradu ovakve klime. Evo letka za pomoć Lipicanerima:

Letak

Par slika za ilustraciju:

Konjski repiLjubav na prvi njuhSplitski konjski repić in nije odolijaTko ih ne bi zajašija?Hip-hop - hop-cup skok s RiveSranje iza Lipicanera lako i brzo se očisti

Podsjećanje na nova dobra vrimena:

Split s početka 21. stoljećaSplit s početka 21. stoljeća (3)

Kantun od usporedbi:

Konji iz Lipica kontra konja iz Banovine (diptih)

Leave a Reply

Your email address will not be published. Required fields are marked *